الشاعر الحسيني حيدر الخفاجي

الأحد، 13 سبتمبر 2015

شهداء سبايكر في ضمائرنا 2015

السبت، 12 سبتمبر 2015

ترضه ياعباس باجر بلسبي اتروح الظعينه

حدي

ترضه ياعباس باجر بلسبي اتروح الظعينه

ودي اظل ياخويه يمكم والامر ماهو بدينه

شلون اطب والكوفه كله عرف وحنه امكيدينه

باجر نروح ويه الغرب

وللكوفه ياعباس اطب

علهزل شيخلص الدرب

فركاكم عليه صعب

وطفالي باجر تنظرب

ولاشهم ينغر علينه

ماظلت خيم من شبت النار *** برض الغاضريه

ماظلت خيم من شبت النار *** برض الغاضريه

الشمس غابت يعباس *** بقينه بدون حراس

برض الغاضريه

شلون ياعباس يغفه *** البلعره ظلت حريمه

كوم يلدكيت صدرك *** وبني ياعباس خيمه

منهو يوكف للحراسه *** عيال ومطشره ابهيمه

انهض يشيال العلم

لاوالي عندي ولاخيم

لعيوني يندار السهم

ولاشفت هاي الظليمه

جنت امدللة بجالك يعباس *** شو رحت وعفتني

غريبه بين الارجاس *** بقينه بدون حراس

برض الغاضريه

خويه عباس ارد اذكرك *** كبل بيام الطفوله

انته ظل علنهر نايم *** واستمع حجي الاكوله

كلت عد عيناج يختي *** تذكر احجايتك لوله

كلت اني حارس لظعن

وامنت من ذاك الزمن

عباس ردني للوطن

وين حادينه وذلوله

احلفك بلطفوله وذيج الايام *** رد بينه الوطنه

تخلينه ويهل ناس *** بقينه بدون حراس

برض الغاضريه

خويه هذا الليل اجانه *** وغربه برض الغاضريه

خويه عباس اعله بختك *** ماكلت زينب خطيه

اطفال ومن الخوف ترجف *** وحشه ياخويه الثنيه

وين الله تسمع نخوتي

وتكوم وتحشم اخوتي

ياربي تقبل دعوتي

انخاف ياراعي المسيه

شيئمن الحرم من شر الانذال *** مايطبك جفنه

عكب الدرع والطاس *** بقينه بدون حراس

برض الغاضريه

مرت عليه مصايب *** زادت اعله مصيبت امي

ذيج سكنه اتريد ابوهه *** وهاي طفله اصيح عمي

والرباب اتحن لبنه *** واختك ام كلثوم يمي

ها يختي زينب شلخبر

مابين اعلينه الكمر

نتحمل الليله السهر

كافلج علشاطي مرمي

خويه ابداعت امك رد لليتام *** اذا تسمع حجينه

اذا خمدت الانفاس *** بقينه بدون حراس

برض الغاضريه

بويه ياحيدر تعال *** ابكربله مامش ظيافه

حشمت عباس اخوي *** وكتله خويه الليل اخافه

ما اجه وظليت وحدي *** كوم ياراعي الكلافه

احرس بناتك ياعلي

خليني اروح الكافلي

لوظل منو ايردني لهلي

مادره ابعيده المسافه

ترضه ويه الشمر تمشي النساوين *** ماظن بيك ترضه

ونشوف اعله الرمح راس *** بقينه ابدون حراس

برض الغاضريه

الخميس، 10 سبتمبر 2015