اظن يحسين تدري ابطيبتي وكلبي يامالك حياتي وصارالك حبي
يوليدي عليمن من رحت عتبي هدم حيلي غيابك ونهدم ساسي
ــــــــــــــــــــــــــــــــــــــــــــــــــــــــــــــــــــــــــــــــــــــــ
شلون انسه وخيالك عايش ابالي لايحسين غيرك لاتضن غالي
رحت ومادريت اصار بحوالي عليك الليل اون وتورجت ناسي
ــــــــــــــــــــــــــــــــــــــــــــــــــــــــــــــــــــــــــــــــــــــــ
اون ون الثكاله ومابرد وني حزن يعقوب مايوصل لعد حزني
كون ابهل مصاب امك تشاركني اه من الدهر شوف اشكثر قاسي
ــــــــــــــــــــــــــــــــــــــــــــــــــــــــــــــــــــــــــــــــــــــــ
قاسي وياي دهري وصابت اسهامه وهذا الليل جه المصيوب
تكسر كل كلب من ردت ايتامه وكلب زينب حزين ومحد يواسي
ــــــــــــــــــــــــــــــــــــــــــــــــــــــــــــــــــــــــــــــــــــــــ
ماهمني فكد جعفر ولا عثمان ولاعون اليهمني ولاكمر عدنان
بس احسين احس اوياي بالشريان احساس صحيح وماخطه احساسي
ــــــــــــــــــــــــــــــــــــــــــــــــــــــــــــــــــــــــــــــــــــــــ
ايام المضت ماضن ترد وتعود لادمعي ابطله ولاهدومي السود
بس لحسين ياشيعه الحزن مريود داس ويه الوكت بس ماربح داسي
ــــــــــــــــــــــــــــــــــــــــــــــــــــــــــــــــــــــــــــــــــــــــ
ليست هناك تعليقات:
إرسال تعليق