اني ام
الخدر زينب عكب اخوتي وذاك الشان
امشي عالهزل يحسين ترضه وجاعده بديوان
زينب
جاعده بديوان من حاسب لهاي حساب
واني
الشمس من تطلع عليه ما اذب احجاب
هسه شلون
يبن امي اطبن واكعد ويا جناب
يخويه
استحي من اخيالي
ابد
ماجـــــــــــانت ابالي
اطب
ديوان عذالـــــــــي
يزيد اعللعرش جاعد ويشمت ضحك مروان
اني بت
علي اني ومضرب جنت للامثال
لاجار
السمع حسي ولابين لطولي خيال
هسه
الشمر يبرالي وامشي ابامرة الجتال
كلفه
وماتصير وياي
جتال
اخوتي الحداي
انه
المارضيت بهاي
بس للقصر من طبيت فرحت أل ابو سفيان
فرحت ال
ابو سفيان واهل الشام عدهم عيد
ويزيد
يشمت الوادم بينه ولبس ثوب اجديد
جاب
الراس للديوان كلب اختك شلون يهيد
حط طشت
الذهب يمه
وراسك
مانشف دمه
وسكنه
تصيح ياعمه
بذاك الطشت راس حسين ابوي ويصد عالنسوان
راسك
بالطشت وانته تصد عيونك علينه
تدري
بكعدت المجلس بين الزلم تاذينه
اه
يافشلت الديوان والتربان بعبينه
ضرب
بالخيزران الراس
ولا واحد
حجه من الناس
كمت وصحت
ياعباس
اشتبعد كربله عالشام وينك ياكمر عدنان
وينك
ياكمر عدنان ياصل اليعرفونه
يعباس
بثنايه حسين يضرب كسر اسنونه
ولاواحد
المنهم كال ليش ولا وكف دونه
يخويه
ماتجي هادود
للشام
وتسوي حدود
يابا
الفضل عوف الجود
احنه بعازتك هسه سبايا ومالنه وليان
سبايا
ومالنه وليان ونته اتكفلت خدري
انه طبيت
للديوان ياعباس ماتدري
وابو
الباقر بعد عيني من ركبته الدم يجري
من غيرك
يحل كيده
برفج
لايلجم جيده
حل
السنسله بهيده
عليل وللالم مابيه وهو للضعن سفان
ورقيه
ماتت عالراس ياعباس تدريهه
من شافت
ابوه حسين ماتت من بواجيهه
خويه من
تجي وياك جيبلنه تراجيهه
من اذنهه
جرهن السلاب
امن ما
وراه طلاب
خلاهه
بدمع سجاب
ابوي
تكول جايبهن واخذهن ماله وجدان
الشاعر
حيدر الخفاجي
ليست هناك تعليقات:
إرسال تعليق