اليوم الاكبر واكف بميدانهه *
* * وفنه تلزم كربله طوفانهه
***************************
نزل شبه المصطفى وكامت تدور
ملكه عاشك صارمه يلاكي النحور
كاتب عالسيف ممنوع العبور
واستعدت للذبح فرسانهه
*************************
اسد طب جيوش فنه وماتخاف
طبت استاذ ويسوله اصطفاف
صار كعبه وواجب عليه الطواف
حوط الحومه وقفل بيبانهه
**********************
طبه الاكبر وابد ماطبهه الامان
وابن غانم ماكسب بيه الرهان
اليريد المفر مايلكه المكان
راكب كحيله وكصير عنانهه
********************
طر هذيج صفوفه بسيفه ويكش
والكلف بيهم علي يكمشه كمش
والسرايه يشيله شيول الهرش
انجفت والله العدل ميزانهه
*********************
جان صوت اطبولهه وماخله حس
هيه ساعه تكول واليهه من امس
ناس موخوش ويعلمهه درس
الكاع صبوره وقلم شريانهه
********************
هذه شبل حسين عل ذل ماغفه
طاح ورماح ونبل تتلاكفه
صاح ابوه يوليدي عل دنيا العفه
بدور غابت من كبل ميحانهه
*****************
حيدر الخفاجي
ليست هناك تعليقات:
إرسال تعليق