اه يازينب اه اه يازينب اه
اه يازينب عله افراك اخوتج
اه وشجم اه شفتي بغربتج
هاي كلمه من الكلوب ونادتج
كل محب زادت شجاه اه يازينب اه
اه يازينب يبت حامي الدخيل
اه عالعباس لو حال العليل
رايه ظلت عالنهر منهو الكفيل
والكمر طايح لواه اه يازينب اه
اطفال ذبلهه العطش وسط الخيام
وجربت العباس شكتهه السهام
شلونا صور حالج وحال الامام
والعطش ذوب حشاه اه يازينب اه
شلون شفتي حسين وحده بكربله
وحاطته الفرسان خيل وراجله
شلون من
وصاج خويه العايله
وطلعو اطفاله واره اه يازينب اه
شلون شفتي حسين مرمي عالثره
شلون شفتي الشمر من حز منحره
وجثته بذاري التراب معفره
حسين ذبحوه من كفاه اه يازينب اه
الكوم غارت عالخيم شبتهه نار
وبحوافر خيل داسو عالزغار
يوم عاشر اه من ذاك النهار
جفني مابطل بجاه اه يازينب اه
اشكال كلبج من بقيتي ويالعليل
والشمر من صاحو شدو عالرحيل
صدك زينب تركب ظهور الهزيل
والشمر ضعنج حداه اه يازينب اه
عكب ذاك العز يزينب والكهول
مكيده اعيالج عالظهور الزمول
زينب العباس لو يدري شيكول
وانتي من جيتي بحماه اه يازينب اه
شلون كضيتي الدرب نوح ونحيب
اه من رمح الرفع راس الغريب
زينب جروح السبي ماظن تطيب
ياحزن كلبج حواه اه يازينب اه
جان يمج يستحي يمر الهوه
شلون للديوان طيبتن سوه
حسين وين اووين شيال اللوه
الكمر غاب بسماه اه يازينب اه
الشاعر حيدر الخفاجي
ليست هناك تعليقات:
إرسال تعليق