طفله وتحاجي
حسين يابويه رايح وين
لوشفته ظعنك سار اشلون اطب لدار
يابويه رايح وين
يبويه اسئل سؤال ورايده اجوابه
بيا حال اليفارك اهله وحبابه
يبويه البيت عكبك من يدك بابه
واذا غاب الابو من يحمل اغيابه
يابويه اخذني ويا ك ماينحمل فركا ك
منه الدمع عبار اشلون اطب لدار
يابويه رايح وين
يابويه بهل السفر وياكم اخذوني
وحيده اهنا دخيلك لاتعيفوني
امشي على الجدم بس لاتخلوني
شتظنون ابعدكم يغفن اعيوني
يابويه ماظل حيل وشلون اخلص اليل
ياكرت المختار اشلون اطب لدار
يابويه رايح وين
يبويه راي عندي وتقبل ابهل راي
ولوثكل الجبل لووزنت بلواي
عبد الله الطفل خلواهنانه وياي
يخفف عن عذابي وغربتي والداي
بويه الطفل خليه لوتصبر امه عليه
ادري الزمن غدار اشلون اطب لدار
يابويه رايح وين
بهل الموقف يحس حسين ظا ك البر
يكله بويه امه عليه ماتكدر
بس نوصل اوديلج علي الاكبر
ارجعي
يلعليله كلبي اتفطر
يابويه اخاف اعليج طول السفر ياذيج
وزدادت الاخطار اشلون اطب لدار
يابويه رايح وين
وكفت والظعن جداه حادي البل
تصد على الاهل والدمع دم ايهل
مهضومه وعليله والهظم يكتل
تدري افراك اهله اشوف بيه الذل
راح اكعد عللباب راح انتظر اغياب
منكم تجيني اخبار اشلون اطب لدار
يابويه رايح وين
شفت ظيم ومصايب من زغر سني
طير الدوح مايوصل لعد وني
انه العافوني اهلي وبعدو عني
حزن يعكوب مايوصل لعد حزني
من زغري شاب الراس لاخوتي لاعباس
من زغري شاب الراس لاخوتي لاعباس
لاظنوت الاطهار اشلون اطب لدار
يابويه رايح وين
ـــــــــــــــــــــــــــــــــــــــــــــــــــــــــــــــــ
خادم اهل البيت حيدر الخفاجي
ليست هناك تعليقات:
إرسال تعليق