خويه عباس عفتني ابكربله
________________
خويه عباس يسباح الدليل
حيرتني بكربله ويه العليل
شلون ترضاهه يبن حامي الدخيل
تنسبي الجانت بخوهه امدللـه
____________________
كوم ياعباس عن نوم التراب
ترضه بختك تنسبي ويه الاجناب
وين الاكبر وين جاسم والشباب
ظلت ابذاري الطفوف امجتله
_________________________
كوم شوف اختك يشيال العلم
بس عليل وياي وطفال وحرم
النار ياعباس ماخلت خيم
كونكم
نومه منوه اتامله
______________________
انته سدي وخيمتي ونته ذراي
ساعة الكشره ونخيناك على ماي
خويه تسمع ونتي ودمعي وشجاي
اني مذهوله وجبيره العايله
شلون اعوفك يلجبتني امحشمه
انته ماتدري عليك امعلمه
بعد ماصيحن يراعي الموزمه
يعني اكولن راح راعي المرجله
____________________
وداعت الله راح اروحن يخوتي
والشمر وياي يبره لناكتي
شلون بلكوفه يخوتي وطبتي
خويه جم امصاب كلبي اتحمله
خادم خدمة الحسين حيدر الخفاجي
ليست هناك تعليقات:
إرسال تعليق