نروح مشايه لغريب الغاضريه
هلهله حسين عطشان
وغريب
ياشباب وطاح
عالغبره سليب
ذاك جسمه بكربله
عاري وتريب
يمه جده المصطفى وامه الزجيه
اجت يمه امه وتدك
عالصدر
نست محسن نست ضلع
المنكسر
تصيح عكب حسين
لاطال العمر
ليش ابن خير الورى يصبح ضحيه
منهو مثل حسين ضحى
بعيلته
والاصحاب واهل
بيته واخوته
منهو مثل حسين حزو
ركبته
ظلت الجثه عالغبره رميه
وين صوتك خلي يوصل
للصحن
والسيوف اليوم
بحسين ارتون
انت تدري وياك
تمشي ام الحسن
يل الموالي اليوم عزي الفاطميه
كل عزه نجيمه تجي
الزهره البتول
تلطم ويانه وتردد
من نكول
حسين طاح وداست
بصدره الخيول
مافزعله من النجف حامي الحميه
انت تدري حسين من
لاح الثره
والشمر ليه اعتنه
وحز منحره
اه ياجمال من كص
خنصره
هم تمر اعظم بعد من هالرزيه
المصيبه المرت
بيوم الطفوف
شلون وي سبعين
تتبارز الوف
صيح ياعباس جاوين الجفوف
ماوصل مايك لعد سكنه ورقيه
الشاعر حيدر الخفاجي
ليست هناك تعليقات:
إرسال تعليق