عهد
زينب والعطش جبته بلواي
انه
ابنمن حته ماتنطوني ماي
لويصير الماي الي لويرد بلطف علي
هذا
يوم المرجله اشهدي ياكربله
من رفع بلطف علم
من
ركب غوجه وعله وهيع بذاك المله
وخاله منعده انهزم
من لمع خد صارمه وبيده سجل ملحمه
ولمهم عالشاطئ لم
اني ساكي الطف دمه اني ابن حامي الحمه
واني حماي الخيم
راح اخط اعله الشريعه بسيفي خط
وصل عباس وترس وبجوده شط
اني اقرر مايلي لو يرد بالطف
علي
لاتلزمون النهر مايرد خالي الكمر
هاي مومن شيمتي
من اطب ماخلي اثر لاتفكرون بمفر
من يفر بصولتي
ماكو علشط كنطره منهو يشرد ياتره
واني عند احجايتي
لو اوكفكم سره وكلمن ايحز منحره
وبيكم اترس جربتي
لو اودي الشاطي يم اخيامي اخوي
لو ارد النهروان وسيف ابوي
لو اسمع كلمت بلي لو يرد بالطف
علي
ذبلت اخدود الورد
وعد منطي وما ارد
لازم ارجع بلعذب
ادري بيكم مالي ند
راح اطب ماخلي سد
نار تمرود وتشب
امي وبتني ابألم
لهل وكت ضمتني ضم
واني للخوه انتسب
سلمت بيدي العلم
ونصبت بعيني الخيم
خاف شوفي ينحجب
امي مدري اشحطت بذاك الحليب
غيره نخوه مرجله فوكاهه طيب
ما اخيب ظن هلي لو يرد بلطف علي
نزل عباس وهتف مايكفي اجفوفي طف
طير ابابيل وهوه
الكتايب صفهه صف وصلت حدود النجف
كوه تشتم الهوه
داست الخيل عله خيل كربله سواهه ليل
هندس وراح الضوه
للزلم ماخله حيل موت طب للوادي سيل
كل هرش بالدم روه
اني ماناوي الحرب رايد فرات
لو تشوفون اشتجيب الامهات
كلت لختي ادللي لو يرد بالطف علي
بلحرب ماخلي ظل كمر بس يم اختي اهل
زينب وطلبت طلب
كوم يل بلحومه صل ماي اريدن للطفل
ضامي اخوي وماشرب
نبض عرج الهاشمي والله مارد صارمي
ماتضل عالشط ركب
برك سيفي ومبسمي نهر بيمن يحتمي
راح ادوسه بلا تعب
لو اجيب العلكمي وبيه ترتوين
لو اموت عالنهر وام البنين
لو عطشكم ينجلي لو يرد بالطف علي
خل تواجهني الالوف اني ماهاب السيوف
اني يوم الواقعه
للحرب دكت دفوف خل يشوف المايشوف
عالنهر جم فاجعه
والجيوش الشافته تكول موسى وعصته
كلم الباري ودعه
مثل حمزه بصطرته ارواح سلهه بخزرته
صار سبع المشرعه
وكف عالماي ورفض شرب المعين
شلون ا شربك وادري عطشان الحسين
موقفه واضح جلي لويرد بالطف علي
خادم اهل البيت حيدر الخفاجي
ليست هناك تعليقات:
إرسال تعليق