يحسين تدري شنادتك خوله ---- يابويه سبي الشام ماحمله
منهو اليحاميني ----- والسوط
ياذيني
يابويه سبي الشام ماحمله
بويه عالعز والكرامه من الطفوله علمتنه
غير كلمات المحبه والعطف ماسمعتنه
انت ياهو الجان مثلك ينوصف يالدللتنه
يل جنت بالضلمه ضوه
نختنك ونشمك هوه
واليعطش بشوفك روه
ليش يابويه عفتنه
اطفال ويضربونه بقسوه والسوط فوك المتن يتلوه
راسك يبجيني والسوط ياذيني
من رحت يابويه عنه بخيلهم هجمو علينه
حركو خيمنه وخواتي تصيح ياحامي الضعينه
بتنه ذاك الليل وحشه خلاف عينك ياولينه
جابو الهزل من وكت
والدمع فوك الخد يكت
وعله المصارع من فتت
شفت صدرك دايسينه
عمي البطل يم النهر شفته — ومن
القهر رادت تموت اخته
وتكله وديني السوط ياذيني
رحنه والكوفه بشماته تصيح ذوله الحاربونه
احنه جدنه النبي الهادي وللخاورج ينسبونه
نسو حيدرو الخلافه ونسوجان الوالي ابونه
وحنه عله عجف والحبل
بجفوفنه ومدمع يهل
حجي الشماته مو سهل
وكيفو لمن سبونه
ماعدنه والي ويوكف ويانه --- وحنه يساره ابولية اعدانه
اعداك سابيني والسوط ياذيني
بويه مشونه على شوج وتدري كاع الشام وعره
مره تتعثر رقيه ومره اني الكاع عثره
عيون ذبلهه المصاب متونه من البسط حمره
نشكف ودينه موسمه
ورجلينه حناهه الدمه
تشكي رقيه لفاطمه
تكلهه ها يشلون سفره
ودونه من ديرة لعد ديره ---- اتمنيت
يحضر صاحب الغيره
يمسح دمع عيني والسوط ياذيني
اني ويني اوين هذا الظيم واتحمل اذيه
بلدرب دفنوني اهلي بويه وافتني المنيه
والبلسبي ظلن خواتي وعمتي وظلت رقيه
يابويه وافي الاجل
وحدي غريبه بهل المحل
لايم
كرابه ولا اهل
ياغريب الغاضريه
باول حياتي وينختم عمري اكرم الهي اليوصل الكبري
منهو اليواسيني والسوط ياذيني
يالهي بجاه ابوي وغربتي ودمعت احزاني
اكفي حاجة كل موالي الزارني والمانساني
والينادي اه يخوله وطلبته كلفة ونخاني
ياربي تقبل طلبته
ماتبطي تخلص حاجته
بجاه الحبيب وبضعته
تنكضي كل الاماني
حيدر الخفاجي
ليست هناك تعليقات:
إرسال تعليق