يالحادي لعد عباس ودينه
يلحادي عله صواب
النهر لوطبيت --- لاتجزي الكمر عباس لو مريت
مرني براعي المروه اله اشتاكيت--- واني ادري بخوي
اسامتانينه
مربيه ارد اسولفله
عله ضيم الشام— بس نوصل يكوم وينصبلنه
اخيام
عندي عيال ياعباس عندي ايتام— بس يشوفنه يكوم ويفربينه
فاركته اربعين من
اليالي احساب— ارد اوصل وكله وياك عندي اعتاب
مايدري بخواته المشن ويا اجناب— مايدري الشمر بسوط
ماذينه
يرضه عله الهزل
ومجتفين اجتاف-- واحنه مخدرات وكبل ماننشاف
نطب ديوان ياعباس هذا انصاف— من عكبك يصير الشمر حادينه
اني ادري الزلم
كعدتهه بالديوان— ماتكعد بنات مكبعه ونسوان
ريت تشوف طبتنه يعالي الشان— لديوان والتربان بعبينه
اكعد خل اسولفلك
بحالي الصار--- جبت عيالكم هذه المسه خطار
دوهني اليسر عباس عندي زغار--- ماتكعد يخويه وتنشد شبينه
الشاعر حيدر
الخفاجي
ليست هناك تعليقات:
إرسال تعليق