يادار الاحباب كل اهلي غياب
الغربه تاذيني منهو اليسسليني
كل اهلي غياب
دارنه الجانت زهيه ويكصد الخطار ليهه
هسه ظلمه اخلاف اهلهه والحزن جلجل عليهه
عكب ذيج اشبول هاشم بس عليله اليوم بيهه
خيم عله الدار الحزن
ومن المرض والغربه اون
للنوم مايطبك جفن
اه من تمسي المسيه
ماغمضت العين من راح الحسين
يازهرة اسنيني منهو اليسليني
كل اهلي غياب
بالحزن يادار اسالج طفله ويخلوهه اهلهه
غير دمعات المصايب والحزن والنوح شلهه
اه من شفت الهوادج حملت وانوت بأبلهه
اتفكر ودمعي يهل
لامره الضلت لاطفل
فراك الاهل ماينحمل
عيالنه اطشر شملهه
وياهم تمنيت بس اني ضليت
ياهو اليباريني منهو اليسليني
كل اهلي غياب
صحت يهل الضعن وين
عيوني من حملتو تربي
واكفه وماجني منكم ليش ماكلتولي اركبي
لاطفل لاطفله ضلت شنهي يالوليان ذنبي
فوك المرض فوك العلل
لاعافيه ولاعندي اهل
هسه انضرب بيه المثل
يلمشيتو الله حسبي
ومن البجي يذوب جفني وي الغروب
بس دمعتي بعيني منهو اليسليني
كل اهلي غياب
كبل لايمشي ضعنكم يهلي لتخلوني وحدي
بويه طلبه اطلبهه منك خل يظل عبد الله عندي
لاتخاف عليه يبويه والله احطه بوسط جبدي
هذا الطلب لامايصح
يابويه هيجتي الجرح
عبد الله بالطف ينذبح
ضامي ويموت عله زندي
يبنيتي وادعي منا وارجعي
صوتك يناغيني منهو اليسليني
كل اهلي غياب
ودعت كل العيال
بلوعه وبحركت المهه
مرت بسكنه ورقيه وزينب وحنت عله امهه
شبكت حسين وتشمه وباست العباس عمهه
كالتله يالوجهك بدر
ياعمي ماريدن عذر
عالباب لكعد وانتظر
لجيتك عيوني اضمهه
بس توصل هناك ارجعلي اتناك
لالاتخليني منهو اليسليني
كل اهلي غياب
حدي
هسه روحو وداعت الله لكربله كون بسلامه
راح اعد ساعات واحسب حاشه هذا الليل انامه
خيامكم من تنصبوهه ردو ليه يل النشامه
ياعمي عباس انتظر
ودموعي تنزل من جمر
لاتنسه يابعد العمر
خلت دموعي علامه
خادم الحسين حيدر الخفاجي
ليست هناك تعليقات:
إرسال تعليق