نادت حميده مسلم
اريده
بويه طال الغياب اه يفراك الاحباب
مسلم اريده
مامرت مسيه وماجرت عيني
اذا بالروح عايش من ينسيني
اشم سجادتك عطرك يسليني
مو انت الكلت يابويه تانيني
يوميه اتاني بعدك سباني
ظلت عيني عالباب اه يفراك الاحباب
مسلم اريده
يبوي اخلاف وجهك بتك بحيره
جن البيت خالي وشايله الديره
ماعرف الصبر واسلك تدابيره
كل والد يدلل بته الزغيره
يل دللتني
هسا عفتني
طفله ودمعي سجاب اه يفراك الاحباب
مسلم اريده
البعمري يبويه تفرح وتلعب
وتطب للبيت لوشافت ابوهه طب
مو مثلي تون وتسهر وتنحب
كبل راسي عالفركاك الكلب شيب
اغفه بمكانك
واشتم حنانك
سمعت وني الاجناب اه
يفراك الاحباب
مسلم اريده
وحشه بعيني دارك من اطب ليهه
تبقه الدار ظلمه اخلاف راعيهه
يهجرهه الفرح بس الحزن بيهه
تواسيني عله فكدك واني اواسيهه
محد لفاهه
طفت ضواهه
وحشه دار الاطياب اه يفراك الاحباب
مسلم اريده
من يوم
الرحت مافاركت بالي
اون حته الصخر ون وبجه لحالي
انام شلون واني مفاركه الغالي
يسولف بيك ليل انهار دلالي
يمته تجيني ترحم ونيني
منك ما اجه اكتاب اه يفراك الاحباب
مسلم اريده
انحب والبواجي تريد مني عيون
اخلي المابجو لمصيبتك يبجون
اظن باجر عمامي لكربله يضعنون
واكل لحسين عمي بمسلم تمرون
مشتاكه اشوفه واعرف ظروفه
واعرف شنهي الاسباب اه
يفراك الاحباب
مسلم اريده
ليست هناك تعليقات:
إرسال تعليق