طفله بياحال تخلوني يابويه اخدمكم بعيوني
كلشي اتحمل بس كون ارحل
يابويه المرض ماخله بيه ارسوم
فت روحي ودهاني والجسم مالوم
هذا الليل يغفه وانه اعد انجوم
انه طفله وجرعت من الزمان سموم
استاحش وافرح بالملكه مو اني اليتحمل فركه
بدمعي اتوسل بس كون ارحل
يابويه اخدمكم بعيوني
يبويه الضيم من زغري وعلي سده
المريض شلون يتحمل يضل وحده
ادري بسسفرتك ما انتظر رده
والتحمل بعدكم عالهجر جلده
ياروح التحمل فركاكم لطف يابويه امشي وياكم
ادري اتعلعل بس كون ارحل
يابويه اخدمكم بعيوني
نفضت اغبار حزني وبيدر اهمومي
جفن مفطوم توه وماعرف نومي
يبويه اني من امس وململمه اهدومي
ركبن كل خواتي وماكلت كومي
مكسورة خاطر تعبانه محد كال تروح ويانه
ماعدكم حل
بس كون ارحل
يابويه اخدمكم بعيوني
هايهل الضعن من يلتفت ليه
من يسمع حجي كلبي ونواعيه
يحادي النوك بس لاتسرع شويه
هودج ما اريد امشي عالرجليه
من اتعب اكعد والحككم مايقبل كلبي يفارككم
تدروني انذل بس كون ارحل
يابويه اخدمكم بعيوني
ياحادي ارجوك تانيني ارد احاجيهم
ذوله اهلي يحادي واعتب عليهم
خلوني وحيده شلون اخليهم
سفرتهم بعيده لو اتانيهم
حته اليرضع راح وياهم يادار الوحشه بلياهم
كلشي تبدل بس كون ارحل
يابويه اخدمكم بعيوني
حزن يعكوب يمكن ماوصل حزني
هلي يادار خلوني ومشو عني
اصيحن والضعن طوح ولاجني
بتهم والهجر يادار يكتلني
راح اكعد عالباب اتنطر بلكت ماينساني الاكبر
ابقه اتامل بس كون ارحل
يابويه اخدمكم بعيوني
خادم الحسين حيدر الخفاجي
ليست هناك تعليقات:
إرسال تعليق