علمسموم زينب من يواسيهه
زينب هالمسية نشوفهه بياحال
حزينه والدمع فوك الوجن همال
وفراك الاخو ما ينحمل جتال
ونت والصخر ون لبواجيهه
..........
يبو محمد تكله والدموع اعبار خويه خلاف عينك ماتلمنه الدار
يمشبع اليتامه ومكرم الخطار
دارك لو رحت منهو اليمر ببيهه
..........
ياخويه الحسن ماتلتفت ليه اخوك احسين ماتسمع بواجيه
يبن امي تراني فراك مابيه امك لسه تجري دمعتي عليهه
..........
مانشفت دمعتي ولاسكن وني ماشفت الفرح والحزن دوهني
امي الغاليه وحيدر مشو عني يتيمه من الطفوله ودمعتي اجريهه
...........
انه اختك يبو محمد يعالي الشان
ماتدري الاخت عكب الاخو تنهان
تنذل يا بن امي الماوراهه اخوان لوجار الوكت من ينشد عليهه
.............
اشوف الموت خويه وكون لا شفتك
جبدك بلطشت للموت وسدتك
انه اختك تحاجيني يبعد اختك
هاي جروح كلبي من يداويهه
الشاعر
حيدر الخفاجي / 1436 هجــ
ليست هناك تعليقات:
إرسال تعليق