عالجدم ماشين للغريب حسين
مايهمنه ارهاب
وحك داحي الباب
من حناجرنه يرتفع هالصوت
شيعت الكرار مانهاب الموت
ثورة الاحرار عالمنايه نفوت
حسين غايتنه وهاي رايتنه
راية الاصحاب
مايهمنه ارهاب
الكل فدائيين ننصر المله
رغم عالظالم صوتنه يعله
نعيش دوم
احرار نرفض الذله
مانطخ الراس لا وحق عباس
لو نقدم اركاب مايهمنه ارهاب
لوجمر يحسين
عالجمر امشي
واليهددني مايهز رمشي
عابس بحبك طلكت كلشي
هذا يماني مالك وجداني
والدمع سجاب مايهمنه ارهاب
لو زحف يحسين نوصل نزورك
ظلمه دنيانه وضوت بنورك
سورنه العالي ونحتمي بسورك
لازم نواسيك ندري مانوافيك
والدليل انصاب
مايهمنه ارهاب
الشاعر حيدر
الخفاجي
ليست هناك تعليقات:
إرسال تعليق